ⵉⵏⵏⵉⵢⵏ
ⴰⵢⵍⵍⵉ ⵜⵜⵉⵏⵉⵏ ⵉⵎⵔⵓⵣⵏ ⵏⵏⵖ
ⵙⴰⵍⵎⴰ ⴷⴰⵢⴰⵃⵉ
ⴰⵎⴰⵚⵟⵕ TEIP
“ⵉⴳⴰ ⵉⵢⵉ ⴰⴷⴷⵓⵔ ⴰⴷ ⵣⵣⵔⵉⵖ ⵙⵎⵎⵓⵙ ⵉⵙⴳⴳⵯⴰⵙⵏ ⵥⵉⵍⵏⵉⵏ ⴳ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵓⴳⴰⴷⵉⵔ, ⵍⵍⵉⴳ ⴷⴷⵔⵖ ⵢⴰⵜ ⵜⵉⵔⵎⵉⵜ ⵜⴰⴽⴰⴷⵉⵎⵉⵜ ⴷ ⵜⵏⴼⴳⴰⵏⵜ ⵜⴰⵎⵇⵇⵔⴰⵏⵜ. ⵜⴰⵎⵙⵙⵓⴳⵔⵜ ⴷⴰ ⴱⴷⴷⴰ ⵜⵙⵙⴼⵍⵉⴷ ⵉ ⵜⵔⴰⴱⴱⵓⵜ ⵜⴰⴱⵉⴷⴰⴳⵓⵊⵉⵜ, ⵜⵙⵡⵓⵔⵉ ⵅⴼ ⵜⵏⴽⴷⴰ ⵏ ⵜⵡⵉⵙⵉ ⵉ ⵉⵎⵃⴹⴰⵕⵏ ⴳ ⵜⴼⵔⴽⵉⵡⵉⵏ ⴰⴽⴽⵯ ⵏ ⵓⵙⴰⴽⴰ ⵏⵏⵙⵏ .”
ⵓⵙⴰⵎⴰ ⵓⵎⴰⵍⵓⴽ
ⴰⵎⴰⵚⵟⵕ TEIP
“ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵓⴳⴰⴷⵉⵔ: ⴰⴱⵓⵔⵣ ⴰⵏⵊⵎⵓ, ⴰⴹⴰⴽⴰⵍ ⵏ ⵉⵎⴰⵍ”
ⵏⵓⵕⴷⴷⵉⵏ ⵎⵓⴼⵉⴷ
ⵜⵓⵔⴰⴳⵜ ⵏ ⵓⵙⴳⵎⵉ ⴷ ⵓⵙⵍⵎⴷ ⴰⵙⵉⵏⴰⵏ ⴳ ⵜⵓⵙⵏⴰⴽⵜ
“ⵉⵖ ⵔⵉⵖ ⴰⴷ ⵙⵉⴳⵣⵓⵍⵖ ⵜⵉⵔⵎⵉⵜ ⵉⵏⵓ ⴳ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵓⴳⴰⴷⵉⵔ, ⵣⵎⵔⵖ ⴰⴷ ⵉⵏⵉⵖ ⵎⴰⵙ ⵜⴳⴰ ⵢⴰⵏ ⵓⵙⵎⵓⵜⵜⴳ ⴰⵎⵏⴰⵡⴰⵢ ⵏⴳⵔ ⵜⵉⵥⵉⵕⵜ ⴷ ⵜⵎⵙⴽⵉⵔⵜ. ⵙ ⵜⵉⴷⵜ ⴰⵎ ⵢⴰⵏ ⵓⵎⵓⵔⵣ ⵏ ⵓⵙⴰⴽⴰ ⵏ ⵜⵎⴰⵙⵙⴰⵏⵉⵏ ⵏ ⵜⵓⴷⵔⵜ ⴷ ⵡⴰⴽⴰⵍ, ⵙⵙⵢⴰⴼⴰⵖ ⵉⵙ ⵓⵊⴰⴷⵖ ⴰⴷ ⵙⵙⵏⵜⵉⵖ ⴰⵙⴰⴽⴰ ⵉⵏⵓ ⴰⵣⵣⵓⵍⴰⵏ. “
ⵉⵎⴰⵏ ⴱⵏⵏⵉⵛ
ⵜⵓⵔⴰⴳⵜ ⵏ ⵓⵙⴳⵎⵉ ⴷ ⵓⵙⵍⵎⴷ ⴰⵙⵉⵏⴰⵏ ⴳ ⵓⴼⵉⵣⵉⴽ ⴷ ⵓⴽⵉⵎⵉ
“ⴰⵎ ⵢⴰⵜ ⵜⵎⵓⵣⵔⵜ ⴳ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵓⴳⴰⴷⵉⵔ, ⵔⵉⵖ ⴰⴷ ⵙⵙⵏⴽⴷⵖ ⵉⵙⵏⵉⵎⵎⵔⵏ ⵉⵏⵓ ⵉ ⵜⵎⵔⵙⵍⵜ, ⵉⴷⴷⵖ ⵓⵔ ⴰⵖ ⵜⵣⵣⵔⵉ ⵖⴰⵙ ⵜⵓⵙⵙⵏⵉⵡⵉⵏ ⵜⵉⵎⵉⵥⵉⵕⵉⵏ ⵜⵉⴷⵓⵙⴰⵏⵉⵏ, ⵎⴰⵛⴰ ⴰⵡⴷ ⴰⵜⵉⴳⵏ ⵉⵏⴼⴳⴰⵏⵏ ⵉⴷⵙⵍⴰⵏⵏ ⵏⵏⴰ ⵔⴰⴷ ⴰⵖ ⵉⴳ ⴰⵙⵎⵓⵏ ⵜⵓⴷⵔⵜ ⵏⵏⵖ ⴰⴽⴽⵯ ⵜⴰⵣⵣⵓⵍⴰⵏⵜ.”
ⵙⴰⵎⴰⵃ ⵙⴰⵍⵉⵎ
ⵜⵓⵔⴰⴳⵜ ⵏ ⵓⵙⴳⵎⵉ ⴷ ⵓⵙⵍⵎⴷ ⴰⵙⵉⵏⴰⵏ ⴳ ⵜⵓⵜⵍⴰⵢⵜ ⵜⴰⴼⵕⴰⵏⵚⵉⵚⵜ
” ⵣⵎⵔⵖ ⴰⴷ ⵙⵉⴳⵣⵓⵍⵖ ⵜⵉⵔⵎⵉⵜ ⵉⵏⵓ ⴳ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵓⴳⴰⴷⵉⵔ ⴳ ⵜⵎⴷⵢⴰⵣⵜ ⴰⴷ ⵜⴰⵎⵥⵢⴰⵏⵜ, ⴰⵎ ⵢⴰⵜ ⵜⵎⵓⵣⵔⵜ ⴳ ⵓⵙⴰⴽⴰ ⵏ ⵜⴼⵕⴰⵏⵚⵉⵚⵜ. ⵜⵉⵙⵉⵜ ⴰⴷ ⵏ ⵜⵎⴷⵢⴰⵣⵜ ⴷ ⴰⴷⵔⵉⵣ ⵉⴷⵔⴰⵏ ⴳ ⵓⵙⴰⴽⴰ ⵉⵏⵓ ⴳ ⵜⵎⵔⵙⵍⵜ ⴰⴷ ⵜⴰⵅⴰⵜⴰⵔⵜ. ⴷⴷⴰⵡ ⵏ ⵡⴰⴷⴰⵍ ⴰⴷ ⵏ ⵜⵓⵙⵙⵏⴰ, ⵢⴰⵢⵢⵍ ⵓⵏⵍⵍⵉ ⵉⵏⵓ, ⴳ ⵉⵖⵔⴱⴰⵏ ⴰⴷ ⵉⴼⵓⵥⴰⵕⵏ, ⵓⴼⵉⵖ ⵜⵉⵍⴰⵍⵜ ⵉⵏⵓ, ⴷⴰ ⵙⴰⵡⴰⵍⵏⵜ ⵜⴳⵓⵔⵉⵡⵉⵏ, ⴰⵔ ⵜⵜⴰⵢⵢⵍⵏ ⵉⵙⵡⵉⵏⴳⵉⵎⵏ, ⴽⵓ ⴰⵙⵙ ⴳ ⵖⵉⴷ, ⴷⴰ ⵉⵜⵜⴷⵓⵙ ⵉⵎⴰⵏ ⵉⵏⵓ.“
ⵎⵔⵢⴰⵎ ⵢⵓⵙⵓⴼⵉ
ⵜⵓⵔⴰⴳⵜ ⵏ ⵓⵙⴳⵎⵉ ⴷ ⵓⵙⵍⵎⴷ ⴰⵙⵉⵏⴰⵏ ⴳ ⵜⵓⵜⵍⴰⵢⵜ ⵜⵉⵏⴳⵍⵉⵣⵜ
“ⴰⵎ ⵜⴰⵎⵙⵓⴼⵖⵜ ⵙⴳ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵓⴳⴰⴷⵉⵔ, ⴷⴰ ⵙⵙⵢⴰⴼⴰⵖ ⵢⴰⵜ ⵜⵓⵎⵔⵜ ⵜⴰⵎⵇⵔⴰⵏⵜ ⵙ ⴽⵕⴰⴹ ⵉⵙⴳⴳⵯⴰⵙⵏ ⴷⴰ ⵣⵣⵔⵉⵖ ⴳ ⵓⵙⴰⵢⵔⴰⵔ ⴰⴷ. ⵜⵓⵙⵙⵏⴰ ⴷ ⵜⵙⵓⴳⴰⵔ ⴷⴰ ⵍⵎⴷⵖ ⴳ ⵖⵉⴷ ⵓⵔ ⵙⵙⵉⵔⵉⵡⵏⵜ ⵖⴰⵙ ⵉⴷⵉⵔⵏ ⵉⵏⵓ ⵉⵡⵏⴳⵉⵎⵏ, ⵎⴰⵛⴰ ⵓⵛⴰⵏⵜ ⵉⵢⵉ ⴰⵡⴷ ⵉⵎⴰⵙⵙⵏ ⵏ ⵓⵙⵙⵏⵜⵉ ⴷ ⵓⵎⵓⵔⵙ ⴳ ⵜⵓⴷⵔⵜ ⵉⵏⵓ ⵜⴰⵣⵣⵓⵍⴰⵏⵜ ⵜⴰⵏⵉⵎⴰⵍⵜ. ⵣⵎⵔⵖ ⴰⵙⵙ ⴰⴷ ⵉⵏⵉⵖ ⵎⴰⵙ ⵥⴹⴰⵕⵖ ⴰⴷ ⴳⴳⵖ ⴰⵢⵍⵍⵉ ⴰⴽⴽⵯ ⵍⵎⴷⵖ ⵎⵏⵉⴷ ⵏ ⵉⵏⴰⵥⴰⵕⵏ ⵉⵎⴰⵢⵏⵓⵜⵏ ⵉⵣⵣⵓⵍⵍⴰⵏ. ⴷⴰ ⵜⵜⵙⴷⴷⵉⴷⵖ ⵎⴰⵙ ⴷ ⵜⴰⵔⵙⵍⵜ ⵅⴼ ⵜⴻⵜⵜⵓⵚⴽⴰ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵓⴳⴰⴷⵉⵔ, ⴷ ⴰⵙⵡⵓⵍⵓ ⴰⵙⵓⵍⴰⵏ ⵏ ⵓⵙⵡⵉⵏⴳⵎ ⵉⵏⵓ ⴷ ⵜⵡⵓⵔⵉ ⵉⵏⵓ. “